5 نصائح لك وحدك سيادة النائب

السادة النواب -وكلهم أصدقاء غاليين محترمين- أرجو منكم جميعا واحنا علي مقربة من انطلاق موسم الانتخابات البرلمانية، فقط أردت قول هذه الكلمات:

النصيحة رقم 1

بلاش تستخف بعقول الناخبين، ولما تتكلم علي إنجازاتك ضروري يبقي كلامك موضوعي.

النصيحة رقم 2

حضرتك -بالتأكيد- لم تفرش مسجد لكنك ممكن تكون حصلت علي موافقة بفرش المسجد.. حضرتك لم تبني مدرسة ربما تكون حصلت علي موافقات بناء المدرسة.. حضرتك لم تفتح فصول دراسية بل قد يكون سعيك أسهم في تحقيق ذلك.. حضرتك لم ترصف طريق أو تبني كوبري أو تطهر ترعة بل قد يكون طالبت وسعيت لعمل ذلك.. أكيد حضرتك مش اللي هتوصل خدمة الغاز الطبيعي للقري، لكن ممكن يكون سعيك دفع الحكومة علي فعل ذلك.

النصيحة رقم 3

عادي جدا ممكن يكون بناء سور لمدرسة أو أي إنجاز صغير كان أم كبير نتاج جهد مشترك، فريق الكرة مكون من ١١ لاعب ومعاونين والهدف يسجل باسم لاعب واحد.. يعني لا تنزعج لو وجدت من يتحدث عن إنجاز نسبته لنفسك ولا تقلل من جهود الآخرين.

النصيحة رقم 4

من الضروري جدا أن تعرف سيادة النائب والناس كلها عارفه إنه مش معني أن الموافقة علي طلب بناء المدرسة أو أي خدمة عامة مكتوب علي ورق مكتبك إن حضرتك اللي أنجزت وحدك قطعا لا، ياما ناس طيبين بينجزوا وتنسب الانحازات إلي غيرهم.

النصيحة رقم رقم 5

 أخيرا وليس آخرا، اجعل سعيك كله لله تعالي وخلي فلسفتك في الحياة "إن علينا فقط السعي وليس النتيجة، والنتيجة اختص بها رب العباد".